"Bavariya" hujumchisi Tomas Myuller Bundesliganing eng ko‘p sovrin yutgan futbolchisiga aylandi.
Hujumchi hisobida 12ta Germaniya chempionligi unvoni bor. Bu nemis futboli uchun rekord yutuqdir.
Myuller 2009 yilning iyulidan beri "Bavariya" sharafini himoya qilib kelmoqda. Tomonlar o‘rtasidagi mehnat shartnomasi muddati 2024 yil iyun oyining oxirigacha hisoblanadi.
33 yoshli hujumchi joriy mavsum Germaniyada 27 ta o‘yinda maydonga tushib, 7 ta gol va 8 ta golli uzatmaga mualliflik qilgan.
“Bavariya” so‘nggi turda “Borussiya Dortmund”dan to‘plar farqi bo‘yicha oldinga chiqib ketib, chempion bo‘ldi.
