"Бавария" ҳужумчиси Томас Мюллер Бундеслиганинг энг кўп соврин ютган футболчисига айланди.
Ҳужумчи ҳисобида 12та Германия чемпионлиги унвони бор. Бу немис футболи учун рекорд ютуқдир.
Мюллер 2009 йилнинг июлидан бери "Бавария" шарафини ҳимоя қилиб келмоқда. Томонлар ўртасидаги меҳнат шартномаси муддати 2024 йил июнь ойининг охиригача ҳисобланади.
33 ёшли ҳужумчи жорий мавсум Германияда 27 та ўйинда майдонга тушиб, 7 та гол ва 8 та голли узатмага муаллифлик қилган.
“Бавария” сўнгги турда “Боруссия Дортмунд”дан тўплар фарқи бўйича олдинга чиқиб кетиб, чемпион бўлди.
