"Arsenal" hujumchisi Gabriel Jezus jamoasi o‘tkazgan mavsumni yuqori baholadi.
Eslatib o‘tamiz, Mikel Arteta jamoasi Angliya premyer-ligasini ikkinchi o‘rinda yakunladi - bu klubning 2015/16 yilgi mavsumdan beri eng yaxshi natijasi hisoblanadi.
"Biz mavsumni yaxshi o‘tkazdik. Afsuski, maqsadimiz bo‘lgan kubokni qo‘lga kirita olmadik. Klub ichkarisida ham, tashqarisida ham yaxshi muhit yarata oldik.
Muxlislar bizni ko‘proq qo‘llab-quvvatlay boshladilar", - deya Jezusning so‘zlaridan iqtibos keltiradi "Arsenal" rasmiy sayti.
Mavsumning ko‘p qismida "Arsenal" Premyer-liga turnir jadvalida birinchi o‘rinda edi. Jezus "Emireyts"dagi debyut mavsumida 11 ta gol urdi va 6 ta golli uzatmani amalga oshirdi.
