"Арсенал" ҳужумчиси Габриэль Жезус жамоаси ўтказган мавсумни юқори баҳолади.
Эслатиб ўтамиз, Микель Артета жамоаси Англия премьер-лигасини иккинчи ўринда якунлади - бу клубнинг 2015/16 йилги мавсумдан бери энг яхши натижаси ҳисобланади.
"Биз мавсумни яхши ўтказдик. Афсуски, мақсадимиз бўлган кубокни қўлга кирита олмадик. Клуб ичкарисида ҳам, ташқарисида ҳам яхши муҳит ярата олдик.
Мухлислар бизни кўпроқ қўллаб-қувватлай бошладилар", - дея Жезуснинг сўзларидан иқтибос келтиради "Арсенал" расмий сайти.
Мавсумнинг кўп қисмида "Арсенал" Премьер-лига турнир жадвалида биринчи ўринда эди. Жезус "Эмирейтс"даги дебют мавсумида 11 та гол урди ва 6 та голли узатмани амалга оширди.
