"Tottenxem" rahbariyati jamoaga yangi bosh murabbiy topish ustida ishlamoqda. Ko‘rinishidan, londonliklar Ange Postekogluning nomzodiga to‘xtalishgan. 57 yoshli avstraliyalik mutaxassis hozirda "Seltik" boshqaruvida yaxshi ishlamoqda.

Evening Standard xabariga ko‘ra, "Tottenxem" Shotlandiya kubogi finalidan so‘ng Postekoglu bilan muzokaralarni boshlaydi. Finalda “Seltik” 3 iyun shanba kuni “Inverness”ga qarshi bahs olib boradi.

Ange Postekoglu 2021 yilning yozidan beri “Seltik”ni boshqarib kelmoqda. O‘shandan beri jamoa 112 ta rasmiy o‘yin o‘tkazib, unda quyidagi natijalar qayd etilgan: 82 g‘alaba, 12 durang va 18 mag‘lubiyat.