"Тоттенхэм" раҳбарияти жамоага янги бош мураббий топиш устида ишламоқда. Кўринишидан, лондонликлар Анге Постекоглунинг номзодига тўхталишган. 57 ёшли австралиялик мутахассис ҳозирда "Селтик" бошқарувида яхши ишламоқда.
Evening Standard хабарига кўра, "Тоттенхэм" Шотландия кубоги финалидан сўнг Постекоглу билан музокараларни бошлайди. Финалда “Селтик” 3 июнь шанба куни “Инвернесс”га қарши баҳс олиб боради.
Анге Постекоглу 2021 йилнинг ёзидан бери “Селтик”ни бошқариб келмоқда. Ўшандан бери жамоа 112 та расмий ўйин ўтказиб, унда қуйидаги натижалар қайд этилган: 82 ғалаба, 12 дуранг ва 18 мағлубият.
