"Barselona" yarim himoyachisi Frank Kessie faoliyatini "Inter"da davom ettirmoqchi, deya xabar beradi jurnalist Xavi Migel.
Manbaga ko‘ra, futbolchi "ko‘k-anorranglilar" uni yozgi transfer oynasida sotishni va A Seriyaga qaytishni xohlashini biladi. Ilgari Kessie Italiya chempionatida "Milan", "Atalanta" va "Chezema"da o‘ynagan.
26 yoshli ivuarlik futbolchi kataloniyaliklar safiga 2022 yilning yozida kelib qo‘shilgan edi. Uning amaldagi shartnomasi 2026 yilgacha mo‘ljallangan.
U joriy mavsumda 42 ta o‘yinda maydonga tushib, 3 ta gol urdi va 3 ta golli uzatmani amalga oshirdi. Transfermarkt portaliga ko‘ra futbolchining narxi 28 million yevroga baholanmoqda.