"Барселона" ярим ҳимоячиси Франк Кессиэ фаолиятини "Интер"да давом эттирмоқчи, дея хабар беради журналист Хави Мигель.
Манбага кўра, футболчи "кўк-анорранглилар" уни ёзги трансфер ойнасида сотишни ва А Серияга қайтишни хоҳлашини билади. Илгари Кессиэ Италия чемпионатида "Милан", "Аталанта" ва "Чезема"да ўйнаган.
26 ёшли ивуарлик футболчи каталонияликлар сафига 2022 йилнинг ёзида келиб қўшилган эди. Унинг амалдаги шартномаси 2026 йилгача мўлжалланган.
У жорий мавсумда 42 та ўйинда майдонга тушиб, 3 та гол урди ва 3 та голли узатмани амалга оширди. Transfermarkt порталига кўра футболчининг нархи 28 миллион еврога баҳоланмоқда.
