"Inter" hujumchisi Lautaro Martines "Barselona" ustidan qozonilgan g‘alabani mavsumning burilish nuqtasi deb hisoblaydi.
Oktyabr oyida “neradzurrilar” guruh bosqichidagi o‘yinda “ko‘k-anorranglilar”ni mag‘lub etib (1:0) yakunda 1/8 finalga chiqdi va kataloniyaliklarni Yevropa ligasiga tushirib yubordi. Simone Indzagi shogirdlari kutilmaganda finalga chiqdi va unda "Manchester Siti"ga qarshi maydonga tushadi.
“O‘shanda biz hamma narsaga erishishimiz mumkinligini, bizda juda ahil jamoa borligini angladik”, - deydi argentinalik futbolchi “Barselona” ustidan qozonilgan g‘alaba haqida. "Portu" va "Benfika"ga qarshi pley-offda juda qiyin damlarni boshdan kechirdik, ammo "Milan" bilan yarim finalda biz raqiblarimizdan sezilarli darajada ustun edik deb o‘ylayman", - deya "Inter" hujumchisining so‘zlaridan iqtibos keltiradi Football Italia.
