O‘zbekiston kubogi guruh bosqichi 3-turi doirasida «Mash’al» o‘z maydonida «Nasaf»ni qabul qiladi.

O‘zaro o‘yinlar

Jamoalar O‘zbekiston chempionatida shu kunga qadar 34 bor kuch sinashishgan. Natijalar qarshiliklarning ustunligini ko‘rsatmoqda. Bo‘lib o‘tgan 19 uchrashuvda “Gazchi”lar 6 bor, “Nasaf”esa 8 bor g‘alabaga erishgan. 7 uchrashuvda tomonlar murosa ko‘chasini tanlashgan. Darvozalarga jami 83ta to‘p kiritilgan. To‘plar farqi 29:54 ga teng. Ustunlik “Nasaf” tomonida.

“Mash’al” ning o‘zaro o‘yinlarda qozongan eng yirik g‘alabasi – 4:1 ga teng “Nasaf” da  ham bu ko‘rsatkich 4:1 bo‘lib turibdi.

Muborakdagi o‘zaro bahslarga oid

Ushbu jamoalar shu paytgacha Muborakda 17 bor kuch sinashishgan. 6 uchrashuvda “Mash’al”chilar g‘alaba qozonishgan. Yana 7 uchrashuvda durang qayd etilgan va 4 uchrashuvda esa “Nasaf”ni qo‘li baland kelgan. Darvozalarga jami 36ta to‘p kiritilgan. To‘plar farqi — 18:16. “Mash’al” oldinda.

Uchrashuv rasmiylari

Muborakda bo‘lib o‘tadigan “Mash’al” – “ Nasaf ” uchrashuvini Ilgiz Tantashev boshqarib boradi. Unga qanotlarda Obid Jumayev va Jasur Rustamovlar yordam berishadi. Zaxira xakami Komiljon Rasulov.  Hakamlar ishini Nabijon Ro‘zimov nazorat qiladi. Uchrashuv komissari — Bekzod Aripov.