Angliya chempionati yakunlandi. Bu mavsum juda zo‘r bo‘ldi: yangi yulduzlar paydo bo‘ldi, eskilari yanada yorqinroq porlashdi, ba’zilari esa o‘z karyeralarida eng yaxshi mavsumni ko‘rsatdi. Xoland Premyer-liganing eng yaxshi to‘purari bo‘ldi. Edegor dunyodagi eng yaxshi pleymeykerlardan biriga aylandi. Alison “Liverpul”ni yevrokuboklarga tortdi. Reshford har doimgidek jamoasiga yordam berdi. Kevin De Bryuynening ahamiyatini esa ortiqcha baholab bo‘lmaydi. Bugun biz eng yaxshi deb bilgan 3 futbolchi haqida gaplashamiz.

Erling Xoland, “Manchester Siti”

Premyer-ligadagi eng yaxshi to‘purar, o‘nlab yangilangan rekordlar, qiyin chempionatdagi super o‘yinlar. Bular Xolandning mavsumdagi o‘yinini tavsiflab beradi.

Ilgari, Premyer-ligaga kelishdan oldin futbolchi qanchalik yaxshi o‘ynamasin, birinchi mavsumda Angliyada super o‘yin ko‘rsatishi qiyin edi. Lekin Xoland o‘zidan oldingi hujumchilarning yomon odatini yo‘qqa chiqardi.

Norvegiyalik futbolchiga qadar Premyer-ligada gol urish juda qiyin edi. Shevchenko, Torres yoki Lukaku kabi o‘z avlodining eng yaxshi hujumchilari bu yerda muvaffaqiyatsizlikka uchragan davrlari bo‘lgan. Va eng muhimi Erling “Man Siti”ning o‘yindagi uchinchi yoki beshinchi gollarini kiritmadi. U mavsumning muhim uchrashuvlarida g‘alaba keltiruvchi gollarni kiritdi. 38 ta turda 36 ta gol. U haqiqatan ham odammi?

Martin Edegor, “Arsenal”

Edegor ajoyib mavsum o‘tkazdi. Chempion jamoadan tashqari boshqa futbolchi eng yaxshi deyiladigan bo‘lsa, bunga faqat norvegiyalik loyiq. "Arsenal" (“Brayton” bilan birga) mavsumning kutilmagan kashfiyoti bo‘ldi, Martin esa o‘zini yetakchi sifatida ko‘rsatdi.

Edegor - "Arsenal"ning asosiy o‘yinchisi va uning eng barqaror bo‘g‘ini. Agar Saka va Martinelli ikkinchi davrada o‘yini pasayib, JCHda Jezus jarohat olgan bo‘lsa, Edegor butun mavsumni yuqori saviyada o‘tkazdi. Yarim himoyachi o‘yinni o‘zi uchun tortmaydi, balki sheriklari uchun ko‘proq vaziyat yaratadi. Shu bilan birga u jamoaning eng yaxshi to‘purariga aylandi.

Xarri Keyn, "Tottenxem"

Keyn "Tottenxem"ning Premyer-ligadagi gollarining deyarli yarmini urgan. 70 dan 30 tasi - deyarli 43%. Taqqoslash uchun, liganing eng yaxshi to‘purari Xolandda 94 ta goldan 36 tasi bor - bu "Siti"ning Premyer-ligada urgan gollarining 38 foizini tashkil qiladi. Lekin klublar va futbolchilarni solishtirmagan ma’qul, chempionlar saviyasi ancha yuqori.

Xarrisiz londonliklarning nechinchi o‘rinda bo‘lishini tasavvur qilish qo‘rqinchli. Balki vaziyat "Chelsi"nikidan ham yomonroq bo‘lardi. Ammo "Tottenxem" bilan Keyn ketganidan keyin bu sodir bo‘lishi mumkindek tuyuladi. Klub uchun eng muhim yilda uni oldinga boshlagan aynan Xarri edi. Bu mavsumda angliyalik yana bir bor aql bovar qilmaydigan darajada yulduz ekanligini isbotladi: Premyer-ligada Xolanddan keyin shunday jamoada eng yaxshi to‘purarga aylanish. Va bu harakatlar ham jamoani Yevropa musobaqalariga olib chiqa olmagani achinarli.