Bir kun avval erkin agentga aylangan “Real”ning sobiq yarim himoyachisi Marko Asensio faoliyatini Fransiya chempionatida davom ettiradi.
Insayder Fabrisio Romanoning so‘zlariga ko‘ra, 27 yoshli futbolchining yangi ish joyi "PSJ" bo‘ladi. Ispaniyalik futbolchi Parij giganti bilan 2027 yilning o‘rtalarigacha mehnat shartnomasi tuzadi. Kelishuv kelasi hafta rasman e’lon qilinadi.
Ispaniya chempionatining so‘nggi mavsumida Asensio 30 ta o‘yin o‘tkazib, 9 ta gol va 6 ta golli uzatmani amalga oshirdi.