Madridning “Real” klubi rahbariyati Karim Benzema shu yozda jamoani tark etish qarorini e’lon qildi.
Avvalroq, 35 yoshli hujumchi Saudiya Arabistonining "Al-Ittihod" klubidan taklif olgani ma’lum bo‘lgandi. Yangi klubida fransuz 2 yil ichida 200 million yevro ishlab olishi xabar qilingandi.
Benzema "Real Madrid" safida 353 ta gol urdi va klub tarixidagi ikkinchi eng yaxshi to‘purar hisoblanadi.
Joriy mavsumda Karim barcha musobaqalarda 42 ta o‘yinda maydonga tushib, 30 ta gol urishga muvaffaq bo‘ldi.