Мадриднинг “Реал” клуби раҳбарияти Карим Бензема шу ёзда жамоани тарк этиш қарорини эълон қилди.
Аввалроқ, 35 ёшли ҳужумчи Саудия Арабистонининг "Ал-Иттиҳод" клубидан таклиф олгани маълум бўлганди. Янги клубида француз 2 йил ичида 200 миллион евро ишлаб олиши хабар қилинганди.
Бензема "Реал Мадрид" сафида 353 та гол урди ва клуб тарихидаги иккинчи энг яхши тўпурар ҳисобланади.
Жорий мавсумда Карим барча мусобақаларда 42 та ўйинда майдонга тушиб, 30 та гол уришга муваффақ бўлди.