«Bolonya» Tyago Motta boshchiligida A Seriyada juda muvaffaqiyatli mavsum o‘tkazdi.

Chempionatning so‘nggi turida “Bolonya” “Lechche” ustidan irodali g‘alabaga erishdi – birinchi bo‘limdan so‘ng 0:1 hisobida mag‘lub bo‘lgan Tyago Motta shogirdlari o‘yin rivojini o‘zgartirib, 3:2 hisobida zafar quchdi.

Natijada, o‘ttiz sakkiz turdan so‘ng jamoa hisobida 54 ochko bor – bu “Bolonya”ning Italiya futboli oliy ligasidagi o‘yinlari tarixidagi eng yaxshi natijasidir.

Klub chempionatni turnir jadvalida to‘qqizinchi o‘rinda yakunlab, “Fiorentina”dan atigi ikki ochko ortda qoldi.