«Болонья» Тьяго Мотта бошчилигида А Серияда жуда муваффақиятли мавсум ўтказди.

Чемпионатнинг сўнгги турида “Болонья” “Лечче” устидан иродали ғалабага эришди – биринчи бўлимдан сўнг 0:1 ҳисобида мағлуб бўлган Тьяго Мотта шогирдлари ўйин ривожини ўзгартириб, 3:2 ҳисобида зафар қучди.

Натижада, ўттиз саккиз турдан сўнг жамоа ҳисобида 54 очко бор – бу “Болонья”нинг Италия футболи олий лигасидаги ўйинлари тарихидаги энг яхши натижасидир.

Клуб чемпионатни турнир жадвалида тўққизинчи ўринда якунлаб, “Фиорентина”дан атиги икки очко ортда қолди.