Kataloniyaning "Barselona" klubi Londonning "Tottenxem" klubi doimiy ravishda saqlab qolmoqchi bo‘lgan markaziy himoyachi Kleman Langlening narxini e’lon qildi. Eslatib o‘tamiz, fransiyalik futbolchi o‘tgan mavsumda "shporlar"da ijara asosida o‘ynagan edi.
Jurnalist Ferran Korreasning yozishicha, "Barselona" o‘z futbolchisi uchun 10-15 million yevro talab qilmoqda. Avvalroq, Langlening o‘zi "Tottenxem"da doimiy qolishga qarshi emasligi xabar qilingandi.
Eslatib o‘tamiz, Langle "Barselona" bosh murabbiyi Xavi Ernandesning rejalariga kiritilmagan. Kataloniya klubi yozgi transfer oynasida fransiyalik futbolchidan qutulmoqchi.