2014 yilda Germaniya terma jamoasini Jahon chempionligiga olib chiqqan Yoaxim Lyov professional ishga qaytishga va yangi loyihani boshqarishga tayyorligi haqida mart oyida xabar bergan edik.
Uning pauzasi deyarli ikki yildan beri davom etmoqda, u 2021 yilning yozida, unchalik muvaffaqiyatli bo‘lmagan Yevropa chempionatidan so‘ng "Bundestim" lavozimini tark etgandi.
Bild nashrining yozishicha, o‘z intervyusida Lyov qaytishga tayyorligini tasdiqlagan, biroq loyiha uning tasavvurlari va ambisiyalariga javob bersagina u rozi bo‘ladi.
"Ikki yildan beri ishlamaganimga qaramay, rejalarim va g‘oyalarim bor. Menga takliflar bo‘ldi, biroq men har qanday loyihaga to‘liq ishonsamgina qaytishga tayyorman", — deya Lyovning so‘zlarini keltiradi manba.
