2014 йилда Германия терма жамоасини Жаҳон чемпионлигига олиб чиққан Йоахим Лёв профессионал ишга қайтишга ва янги лойиҳани бошқаришга тайёрлиги ҳақида март ойида хабар берган эдик.
Унинг паузаси деярли икки йилдан бери давом этмоқда, у 2021 йилнинг ёзида, унчалик муваффақиятли бўлмаган Европа чемпионатидан сўнг "Бундестим" лавозимини тарк этганди.
Bild нашрининг ёзишича, ўз интервьюсида Лёв қайтишга тайёрлигини тасдиқлаган, бироқ лойиҳа унинг тасаввурлари ва амбицияларига жавоб берсагина у рози бўлади.
"Икки йилдан бери ишламаганимга қарамай, режаларим ва ғояларим бор. Менга таклифлар бўлди, бироқ мен ҳар қандай лойиҳага тўлиқ ишонсамгина қайтишга тайёрман", — дея Лёвнинг сўзларини келтиради манба.
