Milanning “Inter” klubi himoyachisi Federiko Dimarko Chempionlar ligasi finalida muvaffaqiyatli ishtirok etish formulasi bilan o‘rtoqlashdi.
Uning fikricha, "Inter" o‘z o‘yinini o‘ynashi va o‘z uslubida harakat qilishi kerak.
"Uslubimizni nafaqat hujumda, balki maydonning barcha qismlariga o‘tkazishimiz kerak. Biz buni uddalay olishimizni joriy mavsumda ko‘p marta isbotladik", - deya Dimarkoning so‘zlarini keltiradi Italiyaning ITASportPress axborot agentligi.
Milan klubi 2010 yildan beri Chempionlar ligasi finalida o‘ynamagan, o‘shanda "neradzurrilar" “Bavariya”ni 2:0 hisobida mag‘lub etib, Yevropa futbolidagi eng nufuzli sovrinni qo‘lga kiritgan.
