Миланнинг “Интер” клуби ҳимоячиси Федерико Димарко Чемпионлар лигаси финалида муваффақиятли иштирок этиш формуласи билан ўртоқлашди.
Унинг фикрича, "Интер" ўз ўйинини ўйнаши ва ўз услубида ҳаракат қилиши керак.
"Услубимизни нафақат ҳужумда, балки майдоннинг барча қисмларига ўтказишимиз керак. Биз буни уддалай олишимизни жорий мавсумда кўп марта исботладик", - дея Димарконинг сўзларини келтиради Италиянинг ITASportPress ахборот агентлиги.
Милан клуби 2010 йилдан бери Чемпионлар лигаси финалида ўйнамаган, ўшанда "нерадзуррилар" “Бавария”ни 2:0 ҳисобида мағлуб этиб, Европа футболидаги энг нуфузли совринни қўлга киритган.
