«Liverpul» tizimida bu mavsum Gavi va Jud Bellingem kabi superiqtidorlardan ham ko‘proq o‘ynagan yigitcha kamol topyapti.

To‘g‘ri, himoya vakili sanalgan Konor Bredli oxirgi mavsum «Bolton» safida o‘ynadi. Ko‘rinishidan, u Trent-Aleksander Arnold o‘rniga real da’vogardek.

Diqqat qiling, transfer huquqi bo‘yicha «Liverpul»ga tegishli Konor Bredli yakuniga yetayotgan mavsum dunyo bo‘yicha 19 yoshgacha bo‘lgan futbolchilar orasida eng ko‘p o‘yin vaqtiga ega bo‘ldi. Transfermarkt ma’lumotiga qaraganda, «Bolton»da ijara muddatini o‘tagan istiqboli baland yigitcha jami 57ta rasmiy uchrashuvda maydonga tushib, 4723 daqiqa harakatlandi. Reytingning 2-qatori «Anderlext» vakili Zeno Debastga tegishli - 4629 daqiqa. «Barselona» topilmasi Gavi hamda grandlar o‘rtasida talash bo‘layotgan Jud Bellingem («Borussiya» D.) esa tegishlicha 4 va 10-o‘rinda.

Qolaversa, Bredlining 2022G‘2023 yillar mavsumidagi statistikasi hali yanada oshishi ehtimoli katta. Harqalay, kutilishicha, yigitcha Shimoliy Irlandiya milliy jamoasining Daniya (16 iyun) va Qozo?iston (19 iyun) termalariga qarshi o‘yinlarida maydonga tushadi. «Liverpul» o‘tgan yozda yosh himoyachini o‘yin amaliyoti bilan ta’minlash maqsadida ijara kelishuvi asosida «Bolton»ga yubordi. Asosiysi, Shimoliy irlandiyalik iqtidor Ian Evatt boshqarayotgan jamoada darhol o‘zini ko‘rsatishga tushdi va qisqa muddatda o‘rni asosiy tarkibda ekanligini isbotladi. Himoyaning o‘ng qanotida harakatlanadigan Konor jumladan, Angliya chempionati tizimidagi 3-raqamli divizionda hujumga effektli qo‘shilishni ham o‘rniga qo‘ydi - 53ta o‘yinda 7ta gol va 6ta samarali uzatma. «Bolton» esa Bredli yordamida Papa John’s Trophy kubogini qo‘lga kiritdi va liga «pley-off» bosqichi yarim finaliga chiqdi.