Hujumchi Karim Benzema Saudiya Arabistonining “Al-Ittihod” klubi bilan shartnoma imzolagani haqida fikr bildirdi.
“Bu yaxshi liga va bu yerda yaxshi futbolchilar ko‘p. Krishtianu Ronaldu allaqachon bu yerda o‘ynamoqda, Saudiya Arabistoni o‘z darajasida rivojlana boshlaganini ko‘rsatmoqda. Faoliyatimda ajoyib yutuqlarga erishib, Ispaniya va Yevropada yutishim mumkin bo‘lgan barcha narsaga erishish baxtiga muyassar bo‘ldim. Hozir men yangi vazifa va loyiha uchun vaqt kelganini his qilyapman ", - dedi Benzema.
“Al-Ittihod”ning 35 yoshli fransiyalik futbolchi bilan shartnomasi 2026 yilgacha mo‘ljallangan. OAV xabarlariga ko‘ra, forvard tijoriy operasiyalarni hisobga olgan holda yiliga 200 million yevro oladi.
