"Kristal Pelas" hujumchisi Uilfrid Zaxa hali "An-Nasr" bilan shartnoma borasida kelishib olgani yo‘q, deya xabar beradi insayder Fabrisio Romano.
Manbaga ko‘ra, Saudiya klubi 30 yoshli futbolchiga murojaat qilgan, biroq tomonlar o‘rtasida hech narsa hal qilinmagan. Zaxaning ustuvorligi Yevropada qolish bo‘lib qolmoqda, Chempionlar Ligasi klublari unga qiziqish bildirmoqda.
2022/23 yilgi mavsumda hujumchi "Kristal Pelas" safida barcha turnirlar doirasida 28 ta o‘yinda maydonga tushib, 7 ta gol urdi va 3 ta golli uzatmani amalga oshirdi. Shartnoma 2023 yilning yoziga qadar mo‘ljallangan.
Transfermarkt portali futbolchining narxini 27 million yevroga baholamoqda.
