"Кристал Пэлас" ҳужумчиси Уилфрид Заха ҳали "Ан-Наср" билан шартнома борасида келишиб олгани йўқ, дея хабар беради инсайдер Фабрицио Романо.
Манбага кўра, Саудия клуби 30 ёшли футболчига мурожаат қилган, бироқ томонлар ўртасида ҳеч нарса ҳал қилинмаган. Заханинг устуворлиги Европада қолиш бўлиб қолмоқда, Чемпионлар Лигаси клублари унга қизиқиш билдирмоқда.
2022/23 йилги мавсумда ҳужумчи "Кристал Пэлас" сафида барча турнирлар доирасида 28 та ўйинда майдонга тушиб, 7 та гол урди ва 3 та голли узатмани амалга оширди. Шартнома 2023 йилнинг ёзига қадар мўлжалланган.
Transfermarkt портали футболчининг нархини 27 миллион еврога баҳоламоқда.
