"Manchester Siti" himoyachisi Kayl Uoker "Inter"ga qarshi Chempionlar ligasi finalida maydonga tusha oladi.
Seshanba kuni 33 yoshli futbolchi “shaharliklar” mashg‘ulotlariga kelmagani uning 10 iyun kuni bo‘lib o‘tadigan finaldagi ishtirokiga shubha uyg‘otdi.
"Men yaxshiman, faqat qariyapman", - dedi Uokerning o‘zi jarohat haqidagi taxminlarga nisbatan. - Oxirgi bir necha hafta davomida maydonda ko‘p vaqt o‘tkazganim uchun menga qo‘shimcha dam olish kuni berildi. Murabbiy shanba kuni formada bo‘lishim uchun uyda qolishim kerakligini aytdi. Men Chempionlar ligasi finalini hech qachon o‘tkazib yubormayman ”, dedi ingliz futbolchisi Sky Sport nashriga bergan intervyusida.
