"Real"ning sobiq hujumchisi, hozirda "qaymoqranglilar" yoshlar jamoasida murabbiy sifatida ishlayotgan Raul Gonsales "qirollik klubi"ni tark etishga yaqin turibdi, deb xabar bermoqda Marca.
Manbaga ma’lum bo‘lishicha, "Xetafe" mutaxassis xizmatiga qiziqish bildirmoqda. Klub yaqin kunlarda jamoani tark etishi mumkin bo‘lgan Xose Bordalasning o‘rniga Raul variantini ko‘rib chiqmoqda.
Ispaniya chempionatining so‘nggi mavsumida "Xetafe" elit divizionda qolish huquqini saqlab qolgan holda 15-o‘rinni egalladi.
Bordalas shu yilning aprel oyidan beri jamoa bosh murabbiyi lavozimida ishlab kelayotgandi. Tomonlar o‘rtasidagi shartnoma joriy oy oxirida tugaydi.
