"Реал"нинг собиқ ҳужумчиси, ҳозирда "қаймоқранглилар" ёшлар жамоасида мураббий сифатида ишлаётган Рауль Гонсалес "қироллик клуби"ни тарк этишга яқин турибди, деб хабар бермоқда Marca.
Манбага маълум бўлишича, "Хетафе" мутахассис хизматига қизиқиш билдирмоқда. Клуб яқин кунларда жамоани тарк этиши мумкин бўлган Хосе Бордаласнинг ўрнига Раул вариантини кўриб чиқмоқда.
Испания чемпионатининг сўнгги мавсумида "Хетафе" элит дивизионда қолиш ҳуқуқини сақлаб қолган ҳолда 15-ўринни эгаллади.
Бордалас шу йилнинг апрель ойидан бери жамоа бош мураббийи лавозимида ишлаб келаётганди. Томонлар ўртасидаги шартнома жорий ой охирида тугайди.
