"Liverpul" markaziy himoyachisi Virjil van Deyk mavsum yakuni haqida gapirdi.
Yakuniy turlarda ajoyib natijalarga erishganiga qaramay, Yurgen Klopp jamoasi Chempionlar Ligasi zonasiga kira olmadi va Premyer-ligada beshinchi o‘rinni egalladi.
“Mavsum men uchun aralash tartibda o‘tdi va so‘nggi uch oyda hammasi o‘z joyiga qaytganidan xursandman.
Men o‘zimni yanada qulay his qilmoqdaman, oldingi besh yil davomidagi barqarorlikka qaytdim.
Mavsumning ayrim bosqichlarida beqarorligimiz muxlislarni hayratda qoldirdi. Masalan, “Manchester Yunayted”ni 7:0 hisobida mag‘lub etib, keyingi o‘yinda “Bornmut”ga imkoniyatni boy berdik.
Ko‘tarilishlar va pasayishlar juda ko‘p bo‘ldi, lekin bu ham sportchi hayotining bir qismidir", dedi van Deyk.
