Yozgi transfer oynasida "Barselona" yarim himoyachisi Frank Kessie "Tumanli Albion"ga o‘tishi mumkin. Avvalroq Kataloniya klubi bosh murabbiyi Xavi Ernandes yarim himoyachiga klubning u bilan xayrlashish niyati haqida aytgani xabar qilingandi.

Inter-News portalining xabar berishicha, mersisaydliklar 26 yoshli futbolchi uchun 40 milliondan 45 million yevrogacha taklif qilishgan. Qayd etilishicha, hozirda “Inter”ning Kessieni transfer qilish imkoniyatlari nolga yaqin.

Kessie o‘tgan yozda "Barselona"ga o‘tgan edi. Shu vaqt ichida u barcha musobaqalarda 43 ta o‘yinda maydonga tushib, 3 ta gol urdi va 3 ta golli uzatmani amalga oshirdi. Yarim himoyachining klub bilan shartnomasi 2026 yilgacha mo‘ljallangan.