"Galatasaroy" hujumkor yarim himoyachisi Nikolo Dzanyolo A Seriyaga qaytishi mumkin.
Shu yilning fevral oyida 23 yoshli futbolchi turk klubiga “Roma”dan ko‘chib o‘tgandi. SportItalia xabariga ko‘ra, Dzanyolo yana o‘z vatanida o‘ynashni istaydi, ehtimol bundan "Yuventus" foydalanishi mumkin. "Keksa sinyora" futbolchini klubni erkin agent sifatida tark etayotgan Anxel di Mariya o‘rniga o‘rinbosar sifatida ko‘rmoqda. Mumkin bo‘lgan ssenariylardan biri - Dzanyoloning 25 million yevroga sotib olish imkoniyati yoki majburiyati bilan ijaraga olish.
Italiyalik futbolchi “Galatasaroy” safida 11 ta o‘yin o‘tkazib, 5 ta gol va bitta golli uzatmani amalga oshirgan. Uning shartnomasi 2027 yilgacha mo‘ljallangan.













