"Галатасарой" ҳужумкор ярим ҳимоячиси Николо Дзаньоло А Серияга қайтиши мумкин.
Шу йилнинг февраль ойида 23 ёшли футболчи турк клубига “Рома”дан кўчиб ўтганди. SportItalia хабарига кўра, Дзаньоло яна ўз ватанида ўйнашни истайди, эҳтимол бундан "Ювентус" фойдаланиши мумкин. "Кекса синьора" футболчини клубни эркин агент сифатида тарк этаётган Анхель ди Мария ўрнига ўринбосар сифатида кўрмоқда. Мумкин бўлган сценарийлардан бири - Дзаньолонинг 25 миллион еврога сотиб олиш имконияти ёки мажбурияти билан ижарага олиш.
Италиялик футболчи “Галатасарой” сафида 11 та ўйин ўтказиб, 5 та гол ва битта голли узатмани амалга оширган. Унинг шартномаси 2027 йилгача мўлжалланган.
