Yarim himoyachi Anxel Di Mariya Mayamining "Inter" klubiga o‘tishi mumkin.
Insayder Fabrisio Romano xabariga ko‘ra, MLS klubi 35 yoshli futbolchini tekinga o‘z safiga qo‘shib olish imkoniyatini ko‘rib chiqmoqda. Futbolchi uchun Yevropa klubiga o‘tish ustuvor vazifa bo‘lib qolmoqda. Ayni damda "Benfika" Di Mariyani qo‘lga kiritishga harakat qilmoqda.
Qayd etilishicha, “Inter Mayami” hali ham Serxio Busketsni sotib olishga intilmoqda.
6 iyun kuni yarim himoyachi "Yuventus"ni tark etishini elon qildi. Di Mariya klubda 2022 yildan buyon to‘p suradi. U o‘tgan mavsumda barcha turnirlarda 40 ta o‘yinda maydonga tushib, 8 ta gol urdi va 7 ta golli uzatmani amalga oshirdi.
Lionel Messi avvalroq Mayamining “Inter” klubiga o‘tgan edi.