Ярим ҳимоячи Анхель Ди Мария Маямининг "Интер" клубига ўтиши мумкин.
Инсайдер Фабрицио Романо хабарига кўра, МЛС клуби 35 ёшли футболчини текинга ўз сафига қўшиб олиш имкониятини кўриб чиқмоқда. Футболчи учун Европа клубига ўтиш устувор вазифа бўлиб қолмоқда. Айни дамда "Бенфика" Ди Марияни қўлга киритишга ҳаракат қилмоқда.
Қайд этилишича, “Интер Майами” ҳали ҳам Серхио Бускетсни сотиб олишга интилмоқда.
6 июнь куни ярим ҳимоячи "Ювентус"ни тарк этишини элон қилди. Ди Мария клубда 2022 йилдан буён тўп суради. У ўтган мавсумда барча турнирларда 40 та ўйинда майдонга тушиб, 8 та гол урди ва 7 та голли узатмани амалга оширди.
Лионель Месси аввалроқ Майамининг “Интер” клубига ўтган эди.