Jurnalist Filipp Kesslerning xabar berishicha, "Bavariya" "Fiorentina" yarim himoyachisi Sofyan Amrabatni o‘z safiga qo‘shib olmoqchi.
Manbaning xabariga ko‘ra, Myunxen klubi futbolchining qimmatligi tufayli "Vest Xem" yarim himoyachisi Deklan Raysni sotib olishdan bosh tortishga tayyor. Amrabat o‘z navbatida faoliyatini "Barselona"da davom ettirmoqchi.
Marokashlik futbolchi “Fiorentina”da 2020 yilning yozidan buyon to‘p suradi va shartnomasi 2024 yilning iyunigacha mo‘ljallangan.
26 yoshli yarim himoyachi joriy mavsumda “Fiorentina” safida barcha turnirlarda 49 ta o‘yinda maydonga tushdi va 1 ta golli uzatmani amalga oshirdi. Transfermarkt portali futbolchini 25 million yevroga baholamoqda.