Журналист Филипп Кесслернинг хабар беришича, "Бавария" "Фиорентина" ярим ҳимоячиси Софьян Амрабатни ўз сафига қўшиб олмоқчи.
Манбанинг хабарига кўра, Мюнхен клуби футболчининг қимматлиги туфайли "Вест Хэм" ярим ҳимоячиси Деклан Райсни сотиб олишдан бош тортишга тайёр. Амрабат ўз навбатида фаолиятини "Барселона"да давом эттирмоқчи.
Марокашлик футболчи “Фиорентина”да 2020 йилнинг ёзидан буён тўп суради ва шартномаси 2024 йилнинг июнигача мўлжалланган.
26 ёшли ярим ҳимоячи жорий мавсумда “Фиорентина” сафида барча турнирларда 49 та ўйинда майдонга тушди ва 1 та голли узатмани амалга оширди. Transfermarkt портали футболчини 25 миллион еврога баҳоламоқда.