Meksikalik darvozabon Gilyermo Ochoa faoliyatini Yevropaning top-klubida davom ettirishi mumkin. Score xabariga ko‘ra, jarohat olgan Serxio Rikoga o‘rinbosar qidirayotgan "PSJ" 37 yoshli darvozabon xizmatlariga qiziqish bildirmoqda.
Parijliklar Ochoani zaxira darvozabon sifatida ko‘rmoqda. Italiyalik Janluiji Donnarumma jamoaning birinchi raqami bo‘lib qoladi.
Gilyermo o‘tgan mavsumni "Salernitana" safida yakunladi. Tomonlar o‘rtasidagi mehnat shartnomasi iyun oyi oxirida tugaydi.
Ochoa Italiya chempionatida 20 ta o‘yin o‘tkazib, o‘z darvozasidan 33 ta gol o‘tkazib yuborgan. To‘rtta uchrashuvda meksikalik kiper darvozasi daxlsizligini saqlab qoldi.
