Мексикалик дарвозабон Гильермо Очоа фаолиятини Европанинг топ-клубида давом эттириши мумкин. Score хабарига кўра, жароҳат олган Серхио Рикога ўринбосар қидираётган "ПСЖ" 37 ёшли дарвозабон хизматларига қизиқиш билдирмоқда.
Парижликлар Очоани захира дарвозабон сифатида кўрмоқда. Италиялик Жанлуижи Доннарумма жамоанинг биринчи рақами бўлиб қолади.
Гильермо ўтган мавсумни "Салернитана" сафида якунлади. Томонлар ўртасидаги меҳнат шартномаси июнь ойи охирида тугайди.
Очоа Италия чемпионатида 20 та ўйин ўтказиб, ўз дарвозасидан 33 та гол ўтказиб юборган. Тўртта учрашувда мексикалик кипер дарвозаси дахлсизлигини сақлаб қолди.
