"Liverpul" Myonxengladbaxning "Borussiya" klubi yarim himoyachisi Manu Koneni sotib olmoqchi.
2022/23 yilgi mavsumda fransuz futbolchisi Angliya Premyer-ligasining top-klublaridan biriga o‘tishi mumkinligi haqida bir necha bor xabar berilgan edi. Kristian Falkning so‘zlariga ko‘ra, 22 yoshli yarim himoyachi "Liverpul" uchun o‘rta chiziqni kuchaytirish uchun ustuvor vazifaga aylangan. Futbolchini “qizillar” ustozi Yurgen Klopp yuqori baholamoqda.
Eslatib o‘tamiz, "Liverpul" yana bir fransiyalik yarim himoyachi - "Nissa"dan Kefren Tyuram uchun ham kurashda ishtirok etmoqda.
Transfermarkt ma’lumotlariga ko‘ra Manu Kone 30 million yevroga baholangan. Uning Myonxengladbaxning "Borussiya"si bilan shartnomasi 2025 yilgacha amal qiladi.