"Ливерпуль" Мёнхенгладбахнинг "Боруссия" клуби ярим ҳимоячиси Ману Конени сотиб олмоқчи.
2022/23 йилги мавсумда француз футболчиси Англия Премьер-лигасининг топ-клубларидан бирига ўтиши мумкинлиги ҳақида бир неча бор хабар берилган эди. Кристиан Фалькнинг сўзларига кўра, 22 ёшли ярим ҳимоячи "Ливерпуль" учун ўрта чизиқни кучайтириш учун устувор вазифага айланган. Футболчини “қизиллар” устози Юрген Клопп юқори баҳоламоқда.
Эслатиб ўтамиз, "Ливерпуль" яна бир франциялик ярим ҳимоячи - "Ницца"дан Кефрен Тюрам учун ҳам курашда иштирок этмоқда.
Transfermarkt маълумотларига кўра Ману Коне 30 миллион еврога баҳоланган. Унинг Мёнхенгладбахнинг "Боруссия"си билан шартномаси 2025 йилгача амал қилади.
