"PSJ" hujumchisi Neymar faoliyatini Saudiya Arabistonining "Al-Hilol" klubida davom ettirishi mumkin, deb xabar beradi CBC Sport.
Manbaga ko‘ra, “Al-Hilol” 31 yoshli braziliyalik futbolchiga yiliga 200 million yevro maosh taklif qilishga tayyor. Avvalroq, klub "Inter Mayami"ga o‘tishni tanlagan Lionel Messiga da’vogarlik qilgan edi.
Neymar o‘tgan mavsumda barcha turnirlarda 29 ta o‘yinda maydonga tushib, 18 ta gol urdi va 17 ta golli uzatmani amalga oshirdi. Uning "PSJ" bilan shartnomasi 2025 yilning yozida yakuniga yetadi.