"ПСЖ" ҳужумчиси Неймар фаолиятини Саудия Арабистонининг "Ал-Ҳилол" клубида давом эттириши мумкин, деб хабар беради CBC Sport.
Манбага кўра, “Ал-Ҳилол” 31 ёшли бразилиялик футболчига йилига 200 миллион евро маош таклиф қилишга тайёр. Аввалроқ, клуб "Интер Майами"га ўтишни танлаган Лионел Мессига даъвогарлик қилган эди.
Неймар ўтган мавсумда барча турнирларда 29 та ўйинда майдонга тушиб, 18 та гол урди ва 17 та голли узатмани амалга оширди. Унинг "ПСЖ" билан шартномаси 2025 йилнинг ёзида якунига етади.