Karim Benzema ketganidan so‘ng "Real Madrid" hujum chizig‘ini kuchaytirishi kerak. "Qaymoqranglilar" "Tottenxem" futbolchisi Xarri Keynni jiddiy kuzatib kelmoqda, biroq futbolchini qo‘lga kiritish qiyin vazifa bo‘ladi. Gap shundaki, “shporlar” prezidenti Deniyel Levi Keyn transferi uchun 110 million yevro olmoqchi. "Real Madrid" bu summani shartnomasi bir yildan keyin tugaydigan 29 yoshli futbolchi uchun juda ko‘p deb hisoblaydi.
Keyn varianti ko‘rib chiqilmoqda, biroq ayni paytda "Real"da boshqa nomzodlar ham bor. Todofichajes xabariga ko‘ra, "qaymoqranglilar" "Napoli"dan Viktor Osimxenni sotib olishi mumkin.
Osimxen "Real"ga Keyndan ham qimmatga tushishi mumkin - 120 million yevro. Biroq, nigeriyalik ancha yoshroq (u hozir 24 yoshda).