Карим Бензема кетганидан сўнг "Реал Мадрид" ҳужум чизиғини кучайтириши керак. "Қаймоқранглилар" "Тоттенхэм" футболчиси Харри Кейнни жиддий кузатиб келмоқда, бироқ футболчини қўлга киритиш қийин вазифа бўлади. Гап шундаки, “шпорлар” президенти Дэниел Леви Кейн трансфери учун 110 миллион евро олмоқчи. "Реал Мадрид" бу суммани шартномаси бир йилдан кейин тугайдиган 29 ёшли футболчи учун жуда кўп деб ҳисоблайди.
Кейн варианти кўриб чиқилмоқда, бироқ айни пайтда "Реал"да бошқа номзодлар ҳам бор. Todofichajes хабарига кўра, "қаймоқранглилар" "Наполи"дан Виктор Осимхенни сотиб олиши мумкин.
Осимхен "Реал"га Кейндан ҳам қимматга тушиши мумкин - 120 миллион евро. Бироқ, нигериялик анча ёшроқ (у ҳозир 24 ёшда).
