Xorvatiya terma jamoasi yarim himoyachisi Luka Modrich Niderlandiyaga qarshi bo‘lib o‘tadigan Millatlar ligasi yarimfinalidan oldingi fikrlari bilan o‘rtoqlashdi.
"Niderlandiyaga qarshi o‘yin qiyin bo‘ladi. Bizni yuqori saviyaga qaytgan, o‘z uyida o‘ynaydigan kuchli futbolchilardan iborat yosh jamoa kutib turibdi. Yaxshiyamki, ko‘plab muxlislarimiz bizni qo‘llab-quvvatlashadi va bu qo‘shimcha motivasiya beradi.
Final turnirida ishtirok etib, eng yaxshi jamoalarga qarshi o‘ynaganimizdan juda xursandmiz. O‘tmishga nazar tashlaydigan bo‘lsak, biz mavsumni unchalik yaxshi boshlamadik, Avstriyaga mag‘lub bo‘ldik, ammo keyin yaxshiroq o‘ynashni boshladik. Keyinchalik biz Fransiya va Daniyani mag‘lub etdik, bu biz haqimizda ko‘p narsani aytadi", - dedi Modrich UYEFA matbuot xizmatiga.
