Kataloniyaning “Barselona” klubi “Atletiko Paranaense”dan hujumchi Vitor Roke transferi borasida haligacha kelisha olmadi. Futbolchining o‘zi "ko‘k anorranglilar" rahbariyatidan harakat kutmoqda va "Kamp Nou"ga o‘tishni orzu qilishda davom etmoqda. Bu haqda jurnalist Fabrisio Romano ijtimoiy tarmoqlarida xabar bermoqda.
Avvalroq Rokening transferi "Barselona"ga 40 million yevroga tushishi va bu pul bir necha transhlarda to‘lanishi haqida xabarlar tarqalgan edi, biroq klublar haligacha shartnomaning to‘liq shartlari bo‘yicha kelishib olishmagan.
18 yoshli Roke Braziliya chempionatining joriy mavsumida 10 uchrashuvda 4 ta gol va 2 ta golli uzatmani amalga oshirdi.
