Каталониянинг “Барселона” клуби “Атлетико Паранаэнсе”дан ҳужумчи Витор Роке трансфери борасида ҳалигача келиша олмади. Футболчининг ўзи "кўк анорранглилар" раҳбариятидан ҳаракат кутмоқда ва "Камп Ноу"га ўтишни орзу қилишда давом этмоқда. Бу ҳақда журналист Фабрицио Романо ижтимоий тармоқларида хабар бермоқда.
Аввалроқ Рокенинг трансфери "Барселона"га 40 миллион еврога тушиши ва бу пул бир неча траншларда тўланиши ҳақида хабарлар тарқалган эди, бироқ клублар ҳалигача шартноманинг тўлиқ шартлари бўйича келишиб олишмаган.
18 ёшли Роке Бразилия чемпионатининг жорий мавсумида 10 учрашувда 4 та гол ва 2 та голли узатмани амалга оширди.
