AQSHning "Inter Mayami" klubi yangi hujumchisi Lionel Messi futbolchilik faoliyatini yakunlaganidan keyingi kelajagi haqida gapirdi.
"Men murabbiylik qilishni xohlamasligimni ko‘p marta aytganman. Albatta, bir muncha vaqt o‘tgach, nimadir o‘zgarishi mumkin, ammo hozircha men qarorimni o‘zgartirishni rejalashtirmayapman", - dedi Messi TT Plus nashriga.
Eslatib o‘tamiz, avvalroq 35 yoshli argentinalik so‘nggi ikki yilni o‘tkazgan "PSJ"ni tark etgandi. Messi o‘tgan mavsumda barcha musobaqalarda 41 o‘yinda 21 gol va 20 golga assistentlik qilgan.
Yaqinda hujumchi Mayamining "Inter" klubi bilan uch yillik shartnoma imzoladi.
