АҚШнинг "Интер Майами" клуби янги ҳужумчиси Лионель Месси футболчилик фаолиятини якунлаганидан кейинги келажаги ҳақида гапирди.
"Мен мураббийлик қилишни хоҳламаслигимни кўп марта айтганман. Албатта, бир мунча вақт ўтгач, нимадир ўзгариши мумкин, аммо ҳозирча мен қароримни ўзгартиришни режалаштирмаяпман", - деди Месси TT Plus нашрига.
Эслатиб ўтамиз, аввалроқ 35 ёшли аргентиналик сўнгги икки йилни ўтказган "ПСЖ"ни тарк этганди. Месси ўтган мавсумда барча мусобақаларда 41 ўйинда 21 гол ва 20 голга ассистентлик қилган.
Яқинда ҳужумчи Майамининг "Интер" клуби билан уч йиллик шартнома имзолади.
