"Lester" yarim himoyachi Jeyms Meddison uchun qancha pul olmoqchi ekanligi ma’lum bo‘ldi.
The Telegraph xabariga ko‘ra, "Lester" 26 yoshli angliyalik uchun 60 million funt olmoqchi. Yarim himoyachiga asosiy davogar "Nyukasl" hisoblanadi.
"Lester" o‘tgan mavsumda APLda 18-o‘rinni egalladi va chempionshipga tushib ketdi. Meddison barcha musobaqalarda 32 ta o‘yinda maydonga tushib, 10 ta gol urdi va 9 ta golli uzatmani amalga oshirdi.